லெபனானில் இதுவரை 1,000க்கும் மேற்பட்டோர் உயிரிழந்துள்ளனர்: இஸ்ரேலிய தரைப்படை தாக்குதலை எதிர்கொள்வதாக ஹிஸ்புல்லா உறுதியளித்துள்ளது லெபனானில் இஸ்ரேலிய தாக்குதல்கள் குறித்து ஹெஸ்பொல்லாவின் துணைத் தலைவர்களின் உரை

பெய்ரூட்: லெபனான் மீது இஸ்ரேல் தரைவழித் தாக்குதலை நடத்தினால், அதை எதிர்கொள்ள நாங்கள் தயாராக இருக்கிறோம். 2006ல் இஸ்ரேலுடனான மோதலில் நாம் வெற்றி பெற்றது போல், ஹிஸ்புல்லா இயக்கம் இம்முறையும் வெற்றிபெற உறுதி பூண்டுள்ளது. இதனிடையே, லெபனானில் கடந்த ஒரு வாரத்துக்கும் மேலாக இஸ்ரேல் நடத்தி வரும் தாக்குதல்களில் 87 குழந்தைகள், 156 பெண்கள் உள்பட 1030 பேர் உயிரிழந்துள்ளதாக செய்திகள் வெளியாகியுள்ளன.

லெபனான் மீது இஸ்ரேல் தொடர்ந்து வான்வழித் தாக்குதல் நடத்தி வரும் நிலையில், லெபனானில் உள்ள நிலைமை குறித்து விவாதிக்க ஐரோப்பிய ஒன்றிய வெளியுறவு அமைச்சர்கள் அவசர பேச்சுவார்த்தை நடத்த உள்ளனர். லெபனான் மீது வான்வழித் தாக்குதல் நடத்தி வரும் இஸ்ரேல், தரையிலிருந்து தாக்குதல் நடத்த திட்டமிட்டுள்ளது. கடந்த 24 மணி நேரத்தில் இஸ்ரேலிய தாக்குதல்களில் 105 பேர் உயிரிழந்துள்ளதாகவும் பலர் காயமடைந்துள்ளதாகவும் லெபனானின் சுகாதார அமைச்சு தெரிவித்துள்ளது.

இதற்கிடையில், ஈரானின் தேசிய பாதுகாப்புக்காக அச்சுறுத்தல் அவ்வாறு நடந்தால் தக்க பதிலடி கொடுக்கப்படும் என ஈரான் வெளியுறவு அமைச்சகம் தெரிவித்துள்ளது. இஸ்ரேலின் இத்தகைய தாக்குதலுக்கு கண்டனம் தெரிவித்துள்ள ரஷ்யா, “இதுபோன்ற செயல்களை ரஷ்யா கண்டிக்கிறது” என்று கூறியுள்ளது. அவர்களின் பகுதியில் கடுமையான விளைவுகள் (போர் ஆபத்து) ஏற்படும். முக்கியமாக, லெபனானின் பொதுமக்கள் பகுதிகள் மீதான இத்தகைய கண்மூடித்தனமான இஸ்ரேலிய தாக்குதல்கள் பாரிய மனித உயிரிழப்புகளை விளைவிக்கிறது. “இது தவிர்க்க முடியாமல் காஸாவில் நாம் காணும் மனிதாபிமான பேரழிவிற்கு வழிவகுக்கும்.”

ஐநா அகதிகள் அமைப்பு (UNCHR) படி, இஸ்ரேலுக்கும் ஹிஸ்புல்லாவுக்கும் இடையிலான மோதல்கள் இந்த மாதம் தீவிரமடைந்ததிலிருந்து 100,000 க்கும் மேற்பட்ட லெபனான் குடிமக்கள் லெபனானில் இருந்து சிரியாவிற்குள் நுழைந்துள்ளனர். ஒரு முக்கிய ஹிஸ்புல்லாஹ் தலைவர் கூறியது போல், “அன்புக்குரியவர்கள் இழந்தோம். அமெரிக்க ஆதரவு இஸ்ரேலியப் படைகள் பொதுமக்களுக்கு எதிராக இனப்படுகொலை செய்து வருகின்றன. ஹிஸ்புல்லா இஸ்ரேலிய எல்லையில் இருந்து 150 கிலோமீட்டர் தொலைவில் உள்ள இஸ்ரேலிய நிலைகளை தாக்கியுள்ளது. நஸ்ரல்லாஹ்வின் மரணத்திற்குப் பின்னரும் அதே வேகத்தில் ஹிஸ்புல்லாஹ்வின் செயற்பாடுகள் தொடர்கின்றன.

லெபனான் மீது இஸ்ரேல் தரைவழித் தாக்குதலை நடத்தினால், அதை எதிர்கொள்ள நாங்கள் தயாராக இருக்கிறோம். இஸ்ரேலுடன் நீண்ட போருக்கு நாங்கள் தயாராக இருக்கிறோம். நஸ்ரல்லா முன்வைத்த மாற்றுத் திட்டங்களில் இக்குழு செயல்பட்டு வருகிறது. காசாவை ஆதரிப்பது மற்றும் லெபனானைப் பாதுகாப்பது என்ற முக்கிய இலக்குகளுடன் நாங்கள் போராடுவோம். 2006ல் இஸ்ரேலுடனான மோதலில் வெற்றி பெற்றது போல், இம்முறையும் வெற்றி பெறுவோம்,” என்றார்.

இதற்கிடையில், “எங்களிடம் உள்ள அனைத்து திறன்களையும் நாங்கள் பயன்படுத்துவோம். லெபனான் மீது தரைவழித் தாக்குதல் நடத்தப்படலாம்” என்று இஸ்ரேலிய பாதுகாப்பு அமைச்சர் மறைமுகமாக தனது படைகளிடம் கூறியுள்ளார். ஆனால், இது குறித்து அதிகாரப்பூர்வ தகவல் எதுவும் இதுவரை வெளியாகவில்லை. இதனால் போர் பதற்றம் மேலும் அதிகரித்துள்ளது.

லெபனானில் உயிரிழந்தவர்களின் எண்ணிக்கை 1,000ஐ தாண்டியுள்ளது. இஸ்ரேலுக்கும் லெபனானுக்கும் இடையே கடந்த ஒரு வருடமாக மோதல் நீடித்து வந்தாலும், கடந்த திங்கட்கிழமை முதல் தொடர்ந்து தீவிர தாக்குதல்கள் நடைபெற்று வருகின்றன. குறிப்பாக இன்று (திங்கட்கிழமை) காலை பெய்ரூட்டின் மத்திய பகுதியான கோலாவில் உள்ள குடியிருப்பு பகுதி மீது இஸ்ரேல் முதன்முறையாக வான்வழி தாக்குதலை நடத்தியது. இதில் 4 பேர் உயிரிழந்தனர். அவர்களில் மூவர் பலஸ்தீனிய விடுதலை முன்னணியின் (பிபிஎல்எஃப்) ஆயுதக் குழுவின் முக்கிய தலைவர்கள் என அடையாளம் காணப்பட்டுள்ளதாக அந்த அமைப்பு உறுதிப்படுத்தியுள்ளது.

2006 ஆம் ஆண்டுக்குப் பிறகு இஸ்ரேலின் இராணுவம் தெற்கு லெபனான் மீது திங்களன்று மிகப்பெரிய தாக்குதலை நடத்தியது. ஹெர்மெல், பைப்லோஸ், பால்பெக் உள்ளிட்ட லெபனானின் பல்வேறு பகுதிகளில் ஹெஸ்புல்லா அமைப்பு ஆயுதங்களை மறைத்து வைத்திருப்பதை இஸ்ரேல் உளவுத்துறை அறிந்ததையடுத்து இந்த தாக்குதல் நடத்தப்படுவதாக அந்நாட்டு ராணுவம் தெரிவித்துள்ளது.

ஹிஸ்புல்லாஹ் லெபனானில் 1985 இல் நிறுவப்பட்டது. ஈரானும் சிரியாவும் இந்த அமைப்புக்கு ஆயுதங்களையும் பணத்தையும் வழங்கின. இரு நாடுகளினதும் ஆதரவினால் ஹிஸ்புல்லாஹ் குறுகிய காலத்தில் தழைத்தோங்கியது. 2006ல் ஹெஸ்புல்லாவுக்கும் இஸ்ரேல் ராணுவத்துக்கும் இடையே 34 நாட்கள் போர் நடந்தது. அந்த நேரத்தில் ஐ.நா சபை தலையிட்டு போரை முடிவுக்கு கொண்டு வந்தது. இந்நிலையில், கடந்த திங்கட்கிழமை முதல் லெபனான் மீது இஸ்ரேல் நடத்திய தாக்குதலில் 87 குழந்தைகள், 156 பெண்கள் உள்பட 1030 பேர் உயிரிழந்துள்ளதாக அறிவிக்கப்பட்டுள்ளது. ஹிஸ்புல்லாஹ் தலைவர் நஸ்ரல்லாஹ் உட்பட 7 முக்கிய தலைவர்கள் இதுவரை உயிரிழந்துள்ளமையும் குறிப்பிடத்தக்கது.